[ജോർജ് മുകളേൽ]
കറുത്തുലഞ്ഞ ജനതയുടെ നഗ്നത
ടെലിവിഷനിൽ പ്രദർശിപ്പിക്കപ്പെടുന്നു.
വെളുത്തയെല്ലുകൾ മറയ്ക്കാനായി മാത്രം
കറുത്ത തൊലി അണിയിച്ചിരിക്കുന്നു.
കറുപ്പിൽനിന്നൊലിച്ചിടുന്ന
തേൻ കുടിച്ചുന്മത്തരായ്
ഈച്ചകൾ ആർത്തലയ്ക്കുന്നു.
വറ്റിയ നദിക്കരുകിൽ
ഉണങ്ങിയ മരച്ചില്ലയിൽ
പക്ഷികൾ തളർന്നിരിയ്ക്കുന്നു.
വിണ്ടു കീറിയ ഭൂമിയിൽ
കുഴിക്കാൻ ഉയർത്തുന്ന ആയുധം
ഭാരമുള്ളതെന്ന് കുഴിക്കുന്നവൻ
പറയാതെതന്നെ അറിയിക്കുന്നു.
വരണ്ടുചുളുങ്ങിയ മുലകളും
മാറത്തല്യ്ക്കുന്ന കുട്ടിയും
കൗപീനത്തിൽ നിന്നുമീച്ചകളെ
വിരട്ടിയോടിയ്ക്കുന്ന പുരുഷനും,
ഇവിടെ, ഈ ജനതയുടെ
കാമമുണർത്തുന്നു.
അതിനായി മാത്രം മൂന്നാം ലോകം
ടെലിവിഷനിൽ പ്രദർശിപ്പിക്കപ്പെടുന്നു.
ടെലിവിഷനിൽ പ്രദർശിപ്പിക്കപ്പെടുന്നു.
വെളുത്തയെല്ലുകൾ മറയ്ക്കാനായി മാത്രം
കറുത്ത തൊലി അണിയിച്ചിരിക്കുന്നു.
കറുപ്പിൽനിന്നൊലിച്ചിടുന്ന
തേൻ കുടിച്ചുന്മത്തരായ്
ഈച്ചകൾ ആർത്തലയ്ക്കുന്നു.
വറ്റിയ നദിക്കരുകിൽ
ഉണങ്ങിയ മരച്ചില്ലയിൽ
പക്ഷികൾ തളർന്നിരിയ്ക്കുന്നു.
വിണ്ടു കീറിയ ഭൂമിയിൽ
കുഴിക്കാൻ ഉയർത്തുന്ന ആയുധം
ഭാരമുള്ളതെന്ന് കുഴിക്കുന്നവൻ
പറയാതെതന്നെ അറിയിക്കുന്നു.
വരണ്ടുചുളുങ്ങിയ മുലകളും
മാറത്തല്യ്ക്കുന്ന കുട്ടിയും
കൗപീനത്തിൽ നിന്നുമീച്ചകളെ
വിരട്ടിയോടിയ്ക്കുന്ന പുരുഷനും,
ഇവിടെ, ഈ ജനതയുടെ
കാമമുണർത്തുന്നു.
അതിനായി മാത്രം മൂന്നാം ലോകം
ടെലിവിഷനിൽ പ്രദർശിപ്പിക്കപ്പെടുന്നു.
‘സുകൃതം’ മാസികയിൽ പ്രസിദ്ധീകരിച്ചത്.